• Servinnsla

Sérvinnsla

Í Timburverslun BYKO Breidd er starfrækt verkstæði sem sinnir sérvinnslu fyrir viðskiptavini, s.s. plötusögun og smærri timburvinnslu.

Borðplötur og sólbekkir

BYKO býður gott úrval af borðplötum og sólbekkjum og hægt er að fá alla nauðsynlega vinnslu framkvæmda á verkstæðinu. Starfsmenn okkar bæði saga plötur í réttar lengdir ásamt því að endalíma eftir þörfum og óskum viðskiptavina. Valið er hvort borðplötuhorn eru samsett með 45° sögun eða plötur felldar saman beint. Hægt er að þynna sólbekki og fræsa í þá tappa af réttri stærð svo þeir falli í raufar á gluggum.

Plötusögun

Á verkstæði okkar er stór tölvustýrð plötusög þar sem þú getur pantað sögun á spónaplötum, límtré, MDF, krossviðsplötum og hilluefni. Sögin er mjög nákvæm og slegin eru inn mál í millimetrum. Sölumenn Timburverslunar taka niður pantanir og reikna út bestu nýtingu platna með þar til gerðu tölvuforriti.

standsogÍ plötuhúsi Timburverslunar er standsög þar sem viðskiptavinir geta fengið plötur sagaðar á meðan þeir bíða. Það er mjög hentugt þegar plötur eru t.d. of stórar í bílinn.

Timburvinnsla

Verkstæðið er vel tækjum búið með afréttara, bandsög, þykktarhefil, fræsara, kílvél, hjólsög og bútsög.

Hægt er að panta flesta sérvinnslu á timbri ásamt því sem við framleiðum sérunnar utanhússklæðningar, lista og margt annað eftir óskum viðskiptavina.


  • Aðeins er unnið úr efni sem keypt er í BYKO.
  • Allar pantanir þurfa að fara í gegnum sölumenn Timburverslunar. Ekki er tekið við pöntunum af starfsmönnum í vinnslusal.
  • Pantanir eru unnar í þeirri röð sem þær berast.





Þetta vefsvæði byggir á Eplica