Samfélagssjóður BYKO

Samfélagssjóður BYKO ses. hefur starfað frá árinu 2007, fyrst sem Styrktar- og menningarsjóður Norvikur ses. Tilgangur sjóðsins er að efla tengsl BYKO við samfélagið og sýna samfélagslega ábyrgð í verki. Sérstök áhersla er lögð á að styrkja forvarnar- og æskulýðsstarf, menntun og önnur verkefni sem tengjast börnum og unglingum. 

Þriggja manna stjórn mótar stefnu sjóðsins og tekur ákvörðun um úthlutanir hverju sinni. 

Úthlutanir úr sjóðnum eru fjórum sinnum á ári: í kringum 1. apríl, 1. júní, 1. september og 1. desember.

Styrktarverkefni sem koma til greina eru tengd:

  • Forvarnar- og æskulýðsstarfi.
  • Fræðslu og/eða menntun í þágu barna og unglinga.
  • Starfi mannúðarsamtaka og líknarfélaga.
  • Menningu og listum.
  • Sértækum útgáfuverkefnum.

Verkefni sem alla jafna eru ekki styrkt af sjóðnum eru:

  • Nýsköpunar- og sprotaverkefni.
  • Umhverfismál.
  • Starfsemi íþróttafélaga.
  • Einstaklingar, nemendur eða starfsmannafélög til námsferða eða íþróttaferða.
  • Kosningaherferðir nemenda og/eða stjórnmálaflokka.
  • Utanlandsferðir listamanna og listhópa.
  • Almenn bókaútgáfa, gerð almenns námsefnis og útgáfa geisladiska.

Umsóknum skal fylgja greinargóð lýsing á markmiði eða viðfangsefni verkefnis, og skýrar upplýsingar um þá styrkupphæð sem sóst er eftir.

Öllum umsóknum er svarað.


Styrkbeiðnir

Athugið: Nauðsynlegt er að fylla út þá reiti sem merktir eru með *.

Til að fyrirbyggja ruslpóst:




Þetta vefsvæði byggir á Eplica