Skilmálar BYKO-klúbbsins

  • Við viljum eiga kost á því að hafa samband við þig, t.d. á tölvupósti eða í gegnum síma, í því skyni að miðla til þín tilboðum í BYKO og upplýsingum um vörur og þjónustu BYKO, og aðila sem BYKO velur til samstarfs, sem við teljum að höfði til þín og fjölskyldu þinnar. Einnig viljum við hafa samband við þig til að afla upplýsinga um ýmis málefni er tengjast starfsemi BYKO með það að markmiði að bæta þjónustu okkar enn frekar.
  • Með því að sækja um aðild að BYKO klúbbnum heimilar umsækjandi BYKO að nota allar skráðar upplýsingar, þ.m.t. tölvupóstfang og símanúmer, og vinna með upplýsingar um kaup hans á vörum og þjónustu BYKO í því skyni að stunda markaðssetningu á vörum og þjónustu BYKO og aðila sem BYKO velur til samstarfs.
  • Skoðast samþykki á þessum skilmálum sem fyrirfram samþykki í skilningi 1. mgr. 46. gr. fjarskiptalaga. Umsækjandi getur ávallt afturkallað þetta samþykki á síðari stigum með því að senda póst á netfangið byko@byko.is eða hafa samband við BYKO í síma 515 4000 í samræmi við fyrirmæli 28. gr. laga nr. 77/2000 um persónuvernd og meðferð persónuupplýsinga.
  • Öll vinnsla persónuupplýsinga fer fram í samræmi við ákvæði laga nr. 77/2000 um persónuvernd og meðferð persónuupplýsinga. Aðgangur að persónuupplýsingum er takmarkaður við starfsmenn BYKO, aðila sem BYKO velur til samstarfs og vinnsluaðila BYKO sem þurfa á upplýsingunum að halda starfs sína vegna. Allir vinnsluaðilar BYKO og samstarfsaðilar hafa undirritað viðeigandi trúnaðaryfirlýsingu og vinnslusamning í samræmi við ákvæði persónuverndarlaga. BYKO tryggir þannig vernd persónuupplýsinga í samræmi við lög og reglugerðir um persónuvernd eins og þau eru á hverjum tíma. Þar á meðal með mótun öryggisstefnu um meðferð og öryggi persónuupplýsinga og setningu öryggis- og verklagsreglna eins og krafist er í persónuverndarlögum.
  • Upplýsingar um viðskiptavini í BYKO klúbbnum eru varðveittar meðan viðskiptamenn eru skráðir í klúbbinn og viðskiptahagsmunir BYKO krefjast þess en þó aldrei lengur en lög og reglur mæla fyrir um. 
  • BYKO hefur heimild til að breyta skilmálum þessum. Breytingar á skilmálum skulu kynntar eigi síðar en 15 dögum áður en breyttir skilmálar taka gildi og skulu slíkar breytingar birtar með tilkynningu á vef BYKO , https://www.byko.is/um-byko/klubburinn/um-bykoklubbinn/, í BYKO blaðinu og í verslunum BYKO.





Þetta vefsvæði byggir á Eplica