Rammahús

BYKO er með lausnina til þess að auðvelda vinnuna við að byggja timburhús fyrir margs konar starfsemi, svo sem frístundahús, íbúðarhús, veiðihús, sjálfstæðar kennslustofur og margt fleira. 

Rammahús BYKO eru hönnuð með tilliti til íslenskra aðstæðna og í samræmi við íslenska byggingareglugerð. Hönnuður þeirra er Magnús H. Ólafsson arkitekt, FAÍ, hjá Markstofu ehf, mjög reyndur hönnuður á sviði verksmiðjuframleiddra húsa. 

Heilsárshús, sumarhús og gistihús

Rammahúsin eru framleidd eftir ströngustu gæðakröfum sem gerðar eru til byggingu timburhúsa á Íslandi. 

Húsin eru framleidd hjá BYKO í Lettlandi. Allt efni sem BYKO LAT notar við framleiðslu húseininga og ramma í rammahús er gæðavottað samkvæmt íslenskum og evrópskum stöðlum, sjá nánar á www.byko.lv/en/certificates 

 

Rammahús til sýnis í BYKO Breidd

Innifalið í efnispökkum BYKO er gerð aðalteikninga, skráningartöflu, sérteikninga og burðarþolsteikninga að því gefnu að fyrir liggi samþykkt deiliskipulag eða ígildi þess ásamt afstöðumynd til notkunar við gerð aðalteikninga. Raflagna- og pípulagnateikningar eru ekki innifaldar. 

 

Þegar viðskiptavinur hefur skilað inn afstöðumynd af lóð og ósk um stærð húss og nýtingu þess, mun arkitekt koma með tillögu, í samráði við viðskiptavin, sem rúmast innan ákvæða deiliskipulags. Endurskoðun á upphaflegu tillögunni er innifalin í verði. Semja þarf þó sérstaklega um vinnu vegna umfangsmikillar hönnunar að mati arkitekts. 

 

Nánari upplýsingar veita sölumenn timburversluna BYKO í síma 515-4000 eða með tölvupósti á serlausnir@byko.is 

Vefkökur

Velkomin í vefverslun Byko. Þessi síða notar vafrakökur (e. Cookies). Það er til þess að tryggja eðlilega virkni og notendaupplifun. Með því að halda áfram notkun síðunnar, samþykkir þú notkun vafrakaka.