Gluggar

BYKO framleiðir glugga og hurðir í margvíslegum útfærslum. Starfsfólk okkar veitir ráðgjöf og upplýsingar vegna hönnunar og útfærslu sem henta hverjum og einum.

Neðst á síðunni má finna skjöl, vottanir og bæklinga tengda gluggum.

Timburgluggar

BYKO býður uppá viðarglugga úr furu, Oregon furu (pine) og mahóní. Gluggana er hægt að fá í fjölmörgum útfærslum.

Gluggarnir eru fúavarðir og síðan yfirborðsmeðhöndlaðir með viðurkenndu akrýlþekjandi málningarkerfi þar sem hægt er að velja á milli fjölda lita. Hægt er að fá gluggana án yfirborðsmeðhöndlunar en ekki er mælt með því. Best er að bera á viðinn og yfirborðsmeðhöndla sem allra fyrst áður en hann fer undir beran himinn.

BYKO býður þér fullglerjaða og málaða gæðaglugga með þriggja ára ábyrgð

Á karmastykkjum og innanverðum póstum eru brúnir fræstar þannig að gluggarnir eru fallegri og nettari, en þeir fást einnig án skrautprófíls að innanverðu. Allar aðrar brúnir eru rúnaðar sem dregur úr hættu á skemmdum við flutning og ísetningu. Við málun myndast því heil filma sem slitnar ekki á skörpum brúnum.

Öll lárétt föls eru hallandi til að vatn safnist ekki fyrir í þeim og allir undirlistar eru með droprauf að neðan. Hönnun álundirlistans miðar að því að halda föstum þurrum og góðri loftun við glerið. Þá eru fræstar í öll karmastykki vatns- og vindraufar sem einnig eru sæti fyrir gluggalamir.         

Gæði og eftirlit

BYKO gluggar eru með íslenska gerðavottun frá Nýsköpunarmiðstöð Íslands (NMI) sem hægt er að sækja hér á síðunni. Þar eru gluggarnir prófaðirreglulega í slagregnskáp. Rakainnihald viðarinser stöðugt kannað og fylgst er með loftrakastýringu í fyrirtækinu.

BYKO er aðili að NORDMARK gæðaeftirliti og hefur fengið sérstaka viðurkenningu NTR (Nordisk Trerad)

Álgluggar

BYKO er með vandaðar álgluggalausnir frá mismunandi framleiðendum í allar gerðir bygginga.

Álgluggar þurfa lítð viðhald og henta þvi sérstaklega vel í íslensku veðurfari. Álið á sérstaklega vel við þegar stærri gluggar eiga í hlut, t.d í iðnaðar- og skrifstofuhúsnæði og einbýlishús svo eitthvað sé nefnt. Einnig hefur verið vinsælt að nota álhurðir og glugga í innveggjakerfi, sem og í staka glugga og hurðir t.d í íþróttahúsum, skrifstofuhúsnæði o.fl.

BYKO hefur komið að mörgum stærstu álgluggaverkefnum sem ráðist hefur verið í hér á landi síðustu ár.

Engin verk eru of smá fyrir BYKO. Meðal verkefna má nefna Bláa Lónið, Leifsstöð, Smáralind, nýja viðbyggingu Norðurorku og Sjóböðin á Húsavík svo fáein dæmi séu nefnd.

Boðið er uppá ýmsar álhurðalausnir, svo sem hand- og sjálfvirkar rennihurðir, hringhurðir, ásamt fjölbreyttu úrvali opnunar- og hurðarbúnaðar með álgluggum og hurðum.

Byko er einnig með til sölu álgluggakerfi sem stenst brunakröfur (EI30) frá íslenskri byggingareglugerð.

Alþingi

Gler

Við hjá Byko veitum ráðgjöf og upplýsingar um rétt val á gleri fyrir þitt verkefni.

Við erum í samstarfi við fjölda glerbirgja um allan heim og getum því boðið viðskiptavinum okkar flestar gerðir glerja. Þar má nefna einangrunargler, sólvarnargler, eldvarnargler, öryggisgler, hljóðdeyfigler, litað gler og meira að segja skothelt gler.

Gler er ekki bara gler

Oft þarf aukið öryggi og þol í glerið þegar halda þarf hlutum, óhljóði eða hreinlega fólki fyrir utan. Útlit er einnig stór þáttur sem og að ganga úr skugga um að veðrið geri inniveruna ekki óþolandi sökum of mikils hita, sólar eða kulda. Allt þetta þarf að íhuga þegar gler er valið.

Kringlan

Gler frá Byko er meðal annars notað í hjúkrunarheimilinu Eir, Flugstöð Leifs Eiríkssonar, höfuðstöðvum Actavis og visitor Garðabæ.

Glerið okkar er með CE vottun og allar aðrar vottanir sem uppfylla reglugerðir.

Tengd skjöl

Hér má finna bæklinga, vottanir og leiðbeiningar tengdum gluggum.

Glugga og hurðabæklingur

Vefkökur

Velkomin í vefverslun Byko. Þessi síða notar vafrakökur (e. Cookies). Það er til þess að tryggja eðlilega virkni og notendaupplifun. Með því að halda áfram notkun síðunnar, samþykkir þú notkun vafrakaka.