Viðskiptakjör BYKO

Reikningsviðskipti

  • Hefðbundin reikningsviðskipti hjá BYKO miðast við almanaksmánuðinn og uppgjör fyrir 20. næsta mánaðar.
  • Ef umsækjandi er einstaklingur þarf viðkomandi að vera fasteignaeigandi og ekki á vanskilaskrá.
  • Ef umsækjandi er hlutafélag þarf útfyllt ábyrgðaryfirlýsing að fylgja umsókninni.
  • Hægt er að skila inn beiðni um reikningsviðskipti í verslunum okkar eða hjá viðskiptaráðgjafa að Skemmuvegi 2a, Kópavogi.
  • Umsóknareyðublöð og ábyrgðaryfirlýsingu má sækja hér að neðan til útprentunar.
  1. Umsókn um reikningsviðskipti (PDF)
  2. Ábyrgðaryfirlýsing (Word)

Viðskiptaráðgjöf metur hæfi umsækjenda hverju sinni.

Mánaðarleg reikningsviðskipti, viðskiptaskilmálar:

  • Mánaðarúttekt kemur til gjalda í næsta mánuði.
  • Eindagi er 20.næsta mánaðar.
  • Gjalddagi er 1. næsta mánaðar.
  • Sé greitt eftir eindaga reiknast vextir frá og með gjalddaga.
  • Innheimtukostnaður fer eftir gjaldskrá hverju sinni.
  • Hægt er að gera upp viðskiptaskuld með staðgreiðsluláni Borgunar (VISA/MasterCard).

Tryggingar

Reikningsviðskipti í formi mánaðarlegra viðskipta byggjast á gagnkvæmu trausti þeirra sem að standa. Engu að síður er oft um það háar lánsfjárhæðir að ræða að BYKO ehf. fer fram á tryggingar. Starfsmenn viðskiptaráðgjafar meta þetta hverju sinni. Helstu tryggingaform eru eftirfarandi:

  • Ábyrgðaryfirlýsing. Um er að ræða að einstaklingur/einstaklingar gangast í sjálfsskuldarábyrgð fyrir vöruúttektum félags í þeirra eigu, oftast upp að einhverri fyrirfram ákveðinni upphæð. Ábyrgðarmenn þurfa að uppfylla sömu skilyrði og einstaklingar sem sækja um, þ.e.a.s. vera fasteignaeigendur og ekki á vanskilaskrá.
  • Bankaábyrgð. Viðskiptabanki viðskiptamanns tekst á hendur ábyrgð á vöruúttektum viðkomandi viðskiptamanns til ákveðins tíma. Greiðslu þarf að inna af hendi fyrir lok gildistíma ábyrgðar.

Aðgangur að Mínum síðum:

Viðskiptamenn bæði í staðgreiðslu og reikningsviðskiptum geta sótt um aðgengi að Mínum síðum þar sem þeir geta nálgast öll gögn er lúta að þeirra viðskiptum við fyrirtækið. Hægt er að sækja um aðgengi hjá Viðskiptaráðgjöf  í síma 515 4000 eða með því að senda póst á byko@byko.is.

Ath. viðskiptakjör geta breyst eða fallið niður án fyrirvara.





Þetta vefsvæði byggir á Eplica