Ylkubbar í eldstæði eru 100% íslensk framleiðsla úr 100% íslensku hráefni frá Skógarafurðum, harðpressaðir sagkubbar til að nota í opin og lokuð eldstæði eða hvar sem ylinn vantar. Varan hefur fengið heitið Skógarylur – íslenskir ylkubbar
Ylkubbarnir eru framleiddir úr sagi og afskurði sem fellur til í miklu magni við viðarvinnslu hjá Skógarafurðum. Þeir eru 100% úr íslensku hráefni og framleiddir í Fljótsdal með grænni orku frá Orkusölunni
Ylkubbarnir eru seldir í tvennskonar endurvinnanlegum pappaumbúðum. Annars vegar í handhægum 2,5 kg umbúðum sem er þægilegt að grípa með – hæfilegur skammtur í arininn sem brennur upp á um 2 klst. og hægt að kveikja beint í umbúðunum. Fyrir stórnotendur er hægt að fá stærri kassa með 10 kg af ylkubbum. Til að auðvelda uppkveikjuna eru í hverjum umbúðum kubbar sem dýft hefur verið í endurnýtt vax.